المورفين - ملك الميطافور -

 

 المورفين ملك الميطافور         LMORPHIN 

-شكون هو المورفين

المهدي المورفين تزاد ف 1984 ف مدينة سلا، ف 2003 انتقل يعيش فمراكش و عاش فشلا مدن مغربية، العائلة د المهدي جد مثقفة و بالخصوص هو لي كمل الدراسة ف كندا،
كيفما كلشي عارف الستييل د الخدمة د المورفين ستييل فشكل أي مبدل على گاع لي راپور المغاربة،

بالنسبة للمسيرة الفنية د المورفين باسم M-psy بدا ف 1998 كهواية يعني ما كانش كيدخل الطراك ف اليوتوب ولا السكيبلوك، ف 2004 بدا المورفو كيفكر يتعرف علي الپوبليك، بحيث كيعتبر راسو بحال شي قلم د الواقع الكحل لي عايشو المغرب ولي قليل لي عايق بآش واقع تحت الصور لي كتجينا كلها واضحة و مفهوهة

سجل شي طراكات خفاف حتى ف 2006 دار گروپ سميتو Piranha-Labo وقرر ف 2010 مايبقاش مع الگروپ و يبدا الخدمة صولو أي بوحدو باش يايخد الراحة ديالو ف إختيار الخدمة لي تناسبو
أول مشروع د الراپ بدا فيه المورفين ف 2006 سميتو Maxi Mighnatiss، ولي خلاه يزيد يعطي فهاد شي لي كيدير هو الجودة د الكتابة و 'Les métaphores' لي يمكن نعتبروهم أقود ما كاين ف الراپ المغربي، و كمل ف تسجيل لي طراك حتى ن 2009 خرج ميكستايپ سميتو Na9ouss وفيه 9طراك، المورفين زاد فالخدمة بعدما تأكد بأن عندو ما يعطي ن هاد الفن و زاد خرج ميكستيپ جديد سميتو Morphine وفيه حتى هو 9طراك
وعود زاد جوج ديال الميكستيپ Total و Paprika لي فيهم شي طراك فشكال و مقودين ألخوت هادشي لا فهمتو لي مخبع بين السطور
ف ميكستييپ Total دار المورفو حلقات و فكل حلقة كتكون قصة واقعية و الهدف منها هي العبرة
المورفين قرر يحكي واحد القصة على صاحبو فجوج الطراكات سميتو Taha l'kobra نصحكوم تسمعوه ألخوت، نفكركوم بواحد سلسلة ديال لي طراك Morphiniya لي خلات الپوپليك الجديد فهاد الفن يحترم هاد السيد و لي غتبقى سلسلة خالدة من المخلدات د الراپ المغربي, بالنسبة ن لي نيت-تايپ المورفين كان ديجا خرج واد سميتو Costa ya Watan

 مكانة المورفين فالراب المغربي

هاد خونا عندو مكانة خاصة فالحياة الفنية د بزاف د لي راپور منهوم Raid ،Nessyou ،4.8 و زيد و زيد
الحاجة لي قليل لي كيعرفها الپوبليك المغربي هو أنه ف كيكتب طراك و فديك اللحظة كيبدا التسجيل بلا ريپيتسيون و هادشي لي كيخليه مبدل من شلا رواپا
كتار من 100 طراك و باقي ماجي ماحسن، وراه دابا خدام كيوجد ن أول ألبو ليه لي غادي يكوم سميتو Exelsior و كيفما قال :
Qu'il ne fera pas d'Album jusqu'au jour ou il est sùr de faire un trés bon produit.

Mixtape Na9ouss :
Intro
Chalabi
L'mkhokha ft Quatrehuit
Khoud Bladek
Tay Tay ft Nores
Nod o Nod
A9waRioum
Outro

Mixtape Morphine :
Intro
Hayawan Manawi o Boayda
Torba L'fasda ft Netro
L'3arab Fél Fayla9 ft Master Dib
L'M-psy kan khatar
Kriksa o Adidas o L'Mechia d'Charlot
La Suite ft Quatrehuit
Lam Alif
Outro

Mixtape Paprika :
Dakhla
Merhba Bik Fel Game
Belya wehda
Rak 3aref Hebali
Zippo feat Quatrehuit
Thezz
Nirvana
Steak Frites Soda
Fans ft Trissian
Kelb Pavlov
Hayawan Manawi w Bowayda II
Khareja

Mixtape Total :
Intro 'Bessa7a o Ra7a'
Ki Kount o Ki Wellit 'Part 1'
7yat Jdida ft Miss Assy
Hadi Loughati
Liberté
7chaychi Dimo9rati
Veni Vidi Vici Version II
La7aoula
Mazal T7ir ft Khmissa
Madrassa f RAP 'Part 1'
Nod o Nod 'Version 2012'
Farid & Farida
Taha L'Kobra 'Ep1'
Madrassa f RAP 'Part 2'
Ostora
A.C.A.B
Taha L'Kobra 'Ep Hors Serie'
Zelzal
Flous Sex Solta
Outro

LACRIM - لاكريم اسطورة الراب الفرنسي

اسطورة الراب الفرنسي              لاكريم            LACRIM

 

كريم زنود معروف ب LACRIM لي شد الراپ الفرنساوي فالأعوام الأخيرة و لي خلا الميديا تدوي عليه رغما أنهم ماكيحملوش Les Rebeus أي العرب لي تزادو ف فرنسا، لي مهم هو أن كريم خلا الميديا كلها تدوي عليه بالطريقة لي بغى هو مي نسى أن الشهرة بزاف عندها الثمن لي غادي ندويو عليه مور هاد المقدمة
نشوفو الطفولة د كريم كيف دازت، لي عارفينو أنه من أصول جزائرية ولكن راه خلوق و ترابي ف فرنسا، بحيث كبر ف Chevilly-Larue فالجهة الجنوبيد د باريس و بالضبط فبلوك سميتو Val-de-Marne لي دوى عليه كريم فشلا طراكات

ملي دار 11عام خرج من المدرسة وبدا حياة هامشية بحيث تعلم دروس الحياة من الشارع، ملي دار 14عام بدا أول براكاج ديالو، و من ديك الوقيتا بدات حكايتو مع الشارع، عامين دازت أي 16عام فعمرو تشد كريم فمحاولة سرقة واحد المحل فباريس، و قاليه القاضي بلي هاد المرة ماغديش يخرج و دوز عام فسجن الأحداث بحيث كان ديجا وقف قدام داك القاضي مرات عديدة
الطفولة د كريم فعلا كانت صعيبة بحيث شخال من مرة نعس فالزنقة ولا مع عشرانو و شحال ن مرة تشد فالحبس و دوز أشهر عديدة

باش يدير عقلو و يوقف عيشة الزنقة لقا كريم بلي الموسيقى هي الحل، من بعد شلا مشاكيل قرر كريم يعيش ف مرسيليا ف2009
فالأول بدا كريم غير ف دي فييت مع عشيرو Mister You لي كان طلاقا معاه فالحبس و من داك نهار لقى عشيرو لي عندو تقريبا نفس التفكير بحيث باش يبيعو الألبومات ديالهوم و يتمشاو مزيان دارو الحشيش فوسط پوشيط د الألبوم ولي كيبغي يشري الحشيش كيشري معاها حتى الألبوم ههههههه
ف2012 بدا كريم طريقو فالإحترافية و خرج أول ألبوم ديالو لي سميتو Faites entrer Lacrim لي كانو فيه فييت مع كل من Le Rat Luciano, Rim'K de 113, Keny Arkana, Mister You, Atheena و باش يدير الصداع و يتمشالو الألبوم دار واد وريقات د الربحة ف الپوشيطات د الألبوم فيها الربحة د 1500 € و خدا داك الألبوم المرتبة 16 د المبيعات د العام ف فرنسا و طبيعة الحال من هنا كتبان الزنقة آش كتقري

مور الألبوم خرج ميكستيپ سميتو Toujours le même و كانو فيه شي طراكات فعلا مقودين و شلا فييتورينغ مع Niro, Seth Gueko, Rimkus, Le Rat Luciano, Hayce Lemsi, Mister You, Wanis, Still Fresh, Léa Castel, Médine, Kamelenouvo, Kalash L'afro, Klakette ، درجة درجة بدات كتبان القوادا دهاد خونا لي غتعطي النتائج ديالها فالمستقبل

2013 خرجات EP سميتها Né pour mourir فيها 10طراكات لي كانت السباب باش وقع عقد مع لابل Def Jam لي فعلا عندها تاريخ كبير بحيث خدمات مع أكبر الفنانا د المريكان
دار لاكريم كليپ سميتو Dos en or /www.youtu.be/P1B9tWGaUGU و لي فعلا غريب هو أن الكليپ د لافويين La Fête des Mères تصور بنفس الطريقة و نفس السيناريو و طبيعة الحال هنا كنلاحظو البلاصة لي شدها هاد خونا فالساحة الفنية بحيث خلا لي دازو قبل منو يقلدوه

ألبوم Corleone خلا الجمهور المغاربي يتعرف على لاكريم و خلاه يشد الساحة الفنية دالراپ ف فرنسا كلها، الألبوم خرج مع لابل Def Jam و هنا بان الفرق د الكاليطي و الإحترافية و النتائج هي الألبوم تباعت 28033 نسخة ف سيمانا اللولى و خدا ديسك دور رغم اللغة القاصحة لي كانت فيه

2015 هرب لاكريم من البوليس ن المغرب بسباب المشكل لي ناض ليه فواحد الشقة ف مارسيليا بحيث لقاو فيها الغبرة و الحشيش و السلاح و لي خلاه متهم من الدرجة الأولى فهادشي هما البصمات د كريم لي لقاوهم فواحد الكلاشينكوف
هرب ن المغرب و بقا روشيرش مي واخا المشاكيل منساش الراپ و استطع يسجل RIPRO Vl1 لي المعنى ديالها هو Rusé, Insoumis, Professionnel, Respectable, Omerta و تسجل فكل من المغرب ف ستوديو د البيغ و الجزائر وكان فيه دي فييت مع Sadek, Migos, Gradur, YT Triz, Rimkus, SCH, Nessbeal, Young Breed, Billy Blue فأول سيمانا ملي خرج خدا المركز اللول ف طوب د الألبومات ف فرنسا و استطع يحقق رقم قياسي بحيث خدا ديسك دور غير فشهر الول

القوادا غادية و كتزاد ملي خرج RIPRO vl2 و فكل سيمانا تقريبا كيخرج فالكليپات و الفلوس غا دخلا و واخل رجع لفرنسا و تشد فالحبس و موقفوش الكليپات و هادشي غايبقى فعلا فالتاريخ د الراپ الفرنسي

لاكريم استطع يحقق حلم شلا رواپا ف مدة قصيرة بزاف و وصل تقريبا للعالمية ملي دار فييت مع French Montana و Migos
و رغم من كل العوائق إلا أنه برهن لينا بلي العزيمة هي كلشي، لاكريم فهاد الأثناء كيدوز العقوبة الحبسية لي المدة ديالها 3سنين و كنتمناو ملي يخرج يزيد يخرج معاه القوادا

مسلم ملك الراب العربي

مسلم ملك الراب العربي     

محمد الهادي المزوري، لي معرف ب 'مسلمMuslim' تزاد سنة 1981 ف طنجة بحي الجماعة (مرشان)
من أوائل لي بداو الراپ فهاد البلاد و أحسن ديسكوڭرافي فالراپ المغربي
كيفما العادة نهضرو شوية على الطفولة و المراهقة لي عاشها هاد الفنان، كيفما كلشي عارف بلي الأب توفى الله يرحموا ملي كان مسلم باقي صغير و داكشي لي خلاه يذوق طعم الفراق فسن جد صغيرة، ولد حومة جد شعبية سميتها 'الجماعة' و كان مولوع بتربية الحمام و باقي لحد اللآن محافظ على هاد الهواية
بالنسبة للمستوى الدراسي مسلم ما استطعش يكمل نظرا لظروف شخصية و داكشي لي خلاه يتعلم الصنعة و قرر يتعلم للنجارة، كيفما كلشي عارف التربية و الطفولة لي عاشها كانت صعيبة بعد وفات الأب الله يرحمو
مسلم و الراپ قصة ماشي فحال ڭاع الرواپا دهاد البلاد، بحيث المنفد الوحيد لي كان عندو بعد ما خلا المدرسة و الصنعة كان هو الراپ، البداية كانت جد صعيبة ماشي بحال شي ناس لي جبرو الطريق واجدة و معبدة بلا حفاري، كيفما كلشي عارف الراپ كيبدا بعشق أولا و مسلم كان كيعشق هاد الموسيقى لي الأساس ديالا أمريكا و واخا مكانش كيفهام بعض الكلمات فالأغاني الأمريكية إلا أنه كان كيحس ب الفلو و الصلابة د الكلمات لي كتدل على المعنات ديال الطبقة السوداء فأمريكا،
فالحومة لي تزاد فيها و تربى فيها كانو شي عوازا (أفارقا) ساكنين فالحومة و كانو كيديرو الراپ بالفرنسية و مسلم كان معجب بداكشي لي كيديرو و كان كيطلاقا بيهم ف Cyber لي فالحومة و كيتبادلو المعلومات و الأفكار حتى لواحد النهار قترحو عليه يدير الراپ بالعربية أي بالدارجة و عجباتو الفكرة و من ديك النهار قرر يدخل نعالم الراپ و يكون هو الأول فهاد الفن و كيفما قال "لي مصنوع مزور عمرو يونطر"
ف1996 دار مسلم ڭروپ سميتو OutLife ولي كان فيه Muslim, The Pax, Mad Killah و كانو كيسجلو غير بلي كاسيط حيث فديك الوقت لاكان عند پيسي فالدار فحالا نزلتي من القمر،
ف1998 تأسس ڭروپ "الزنقة فلو" و لي كان السبب باش طلاقاو هاد الجوج (مسلم و العربي) هو لي قليل عارفو "مهدي أنوار AKA Afro " هاد الڭروپ صراحة أحسن و أقود ڭروپ داز فالراپ المغربي و عمرو ميدوز ما حسن، خدمو بينتهوم شلا طراكات و عام مورا عام الخدمة غادية و كتولي شوية محترفة،
2001 خرج أول ألبوم د الزنقة فلو سميتو Tanjawa Daba و لي كان فيه 14طراك من أقود ماكين صراحة
2003 خرج الألبوم الثاني لي سميتو Jebha و فيه 16طراك و فييت مع قشلة
2006 خرج الألبوم الثالت سميتو Dem w Dmou3 و فيه 18طراك و فييت مع رواپا من الرباط
و منساوش الألبوم لي تدار مع قشلة سميتو Jibe L3ez WLa K7ez و فيه 21طراك
3ألبومات كانو غير مع الزنقة فلو و ألبوم مع قشلة و كثر من 100 طراك كولهوم مقودين، نهضرو على الألبومات صولو ديال مسلم لي باقي كامينش شي فنان فهاد البلاد وصل نهاد الكم الهائل د الخدمة !!
2005 قرر مسلم يخرج أول ألبوم صولو فالمسيرة ديالو و لي كان سميتو Strictly For My SouLjas و فيه 17طراك و فيه فييت مع بزاف د الرواپا منهوم L3arbe ، 7arbe ، IslamicGun ، Odin و LaN
مور أول ألبوم خرج ماكسي سميتو "القطرة" فيه 6طراك كاملين صولو
2006 ألبوم Bghini Awla Krahni فيه 15طراك ولي طراك كانو كاملين صولو من إينطرو حتى ن أوطرو
2008 ماكسي Mor Ssour لس فيه 7 صولو طراك
2010 ألبوم التمرد لي كلشي عارفو طبيعة الحال و لي فيه 17طراك و فييت واحد كان مع مجاهد
2014 ألبوم الرسالة لي فيه 16 صولو طراك
واش كاين شي راپور ف المغرب عندو شي ديسكوغرافي قواد من هادي ؟؟
طبيعة الحال ماكينش و منساوش بلي أكثر راپور فهاد البلاد عندو بزاف د المشاهدات فيوتوب هو مسلم و هادشي كيأكد على ڭاع لي طراك لي كينزلو كيبقاو بقيمتهم واخا مع مرور السنين
مسلم الأسطورة ببساطة

دون بيغ "توفيق حازب"

 DON BIGG

كيفما كلشي عارف الراپ فهاد البلاد بدا كيشوف شوية ديال النور ف الأعوام الأخيرة، و طبيعة الحال بعد عناء طويل د لي أرتيسط لي عطاو بزاف فهاد الفن و منهم 'توفيق حازب' لي كلشي كيعرفو ب Don Bigg ( Official Page )
الألبوم TALET لي كيتعتبر من أحسن الألبومات ف الراپ المغربي، الموضوع ديالنا ليوم مخصص ن واحد الطراك ف الألبوم سميتو Maliach هاد الطراك من أحسن مسمعت صراحة و لي خلاني ندير عليه موضوع هو الطريقة كيف عبر فيه Don Bigg على بزاف ديال المشاكل لي كيعاني منهم المجتمع المغربي

من بين هاد المشاكيل و أصعبها هو كيف توصل الرسالة نواحد الفئة من المجتمع و الطريقة لي خدا Don Bigg هي طريقة أول مرة غيستعملها راپور مغربي بحيث عبر على المشكل ديال الزبل و الطوبيسات بصيفتو طارو ديال الزبل و كذالك طوبيس،

الپيسط اللول من الطراك كيچول فيه بلي هو مواطن سويسري جاي يعيش ف المغريب أي هو طارو ديال الزبل لي جابوه من سويسرا و كيقارن العيشة و العقلية بين سويسرا و المغريب، و شرح العقلية ديال د هاد الشعب من خلال الطريقة كيف كيلوحو الزبل ( جنب الطارو و ماشي وسطو )

الپيسط الثاني ديال الطراك Maliach بدل Personnage بحيث ولا عبارة عن طوبيس فرانساوي كيخوي قلبو و كيعاود المشاكيل على طارو ديال الزبل السويسري و كيقارن المجتمع الفرنساوي و المغريبي، و منساوش أش كيوقع نهار الديربي هاهاها راكم عارفين

الپيسط التالث شوية صغير مي راه قاصح بزاف ! Don Bigg قرر يدوي على واحد الموضوع لي صراحة قاصح و كيألم، كيتسائل كيف دوك الناس كيقدرو يسمحو فولادهم لي عاد جاو لهاد الدنيا و كيلوحهم ف الطروات ديال الزبل، مي السؤال القبيح نخليكم تمعنو فيه مزيان :
Wach ga3ma 9errawhom fine l'islam li galo lia ?

بصراحة هاد الطراك من أحسن ما سمعت ف الراپ المغريبي و بغيتكم تفهموه و تفهمو الهدف ديالو

الطراك