Fat Mizzo : نابغة الراب

"فاط ميززو" حمزة موستعد تزاد سنة 1991(15/08) فالرباط، من أحسن ماعطانا الراپ المغربي لا من ناحية الكتابة ولا الفلو، واخا الديسكوغرافي مافيهاش ألبومات ولا ميكستيپ مي كاين دي طراك لي فعلا خلاو البصمة فالراپ المغربي و قربوا الجمهور من "فاط"

الطفولة دازت فواحد المحيط مسيقي بحيث الأب كان عازف عود و خوه كان مولوع بالراپ وداكشي لي خلاه يبدا يستمع ن الأباطرة دالراپ الأمريكي منهوم BIG ، Mobb Deep و Big Pun
من بعد متأطد من العشق ديالو نهاد الفن قرر يتسجل فمعهد موسيقي و تعلم فيها كيف يعامل مع الپيانو وداكشي لي عونوا بزاف على الراپ بحيث الآن فاط راه Compositeur Beatmaker Instumentaliste يعني فعلا عارف آش خاص باش تدير طراك و يكون طراك مقود
ولي كيخليه متميز أكثر على كاع الروابا فهاد البلاد هو أنه حاصل على ديبلوم فالهندسة

البداية مع الراپ بدات ملي كان عندو 14عام بحيث تعرف على الراپ المغربي فحال MafiaC و Maroc Connection ، واستطع يدير "هوم ستوديو" فڭاراج دارهم فبني ملال و تماك زاد اتطحن "فاط" فهاد الفن، و استطع يتعرف على شي رواپا من سلا Riktman و Fellnow لي شارك معاهم الشغف ديالو
العام لي خدا فيه "فاط" الباك تعرف على واحد راپور Fayr من كازا و بداو فالكتابة شلا طراكات منهوم 80 Barz و Psychotherapy

و قرر يبدا حتى هو يدخل نعالم هاد الفن فالمغرب،
أول طراك صولو تكتب سميتو Episode1 موراه جا الطراك الثاني Dunk كلو مخدوم من عند فاط من إينسطرو و ميكساج و كتابة و لي خلا الجمهور يتقرب كتار و كتار من "فاط"
منساوش حتى الطراك Schizo rassem tableau لي عندو فالميكسيپ 'بيض وكحل' ديال "دون بييغ" لي عطى الإينستو ن "فاط" و كتب عليه بطريقة كاتن أول مرة غادي يسمعها الجمهور فالراپ المغربي
ٱخر طراك سميتو Lbzeem لي قرر "فاط" يكون فيه لغة جريئة و دي پونشلاينز فعلا مقودييين

حاليا "فاط" خدام فأول ألبوم ديالو لي غادي يكون سميتو Tchernobyl
و لي غادي يكون فعلا ألبوم من أحسن الألبومات د نيوسكول فالراپ المغربي

Dizzy Dros : أسطورة الراب المغربي

"عزي عندو ستييلو عايش بيه" بهاد المقولة شق عمر السهيلي طريقو فالراپ المغربي
ولد كازابلانكا وبالضبط من بين المدون درب السلطان، تزاد ف 19يوليوز1989 ف كازا، من عائلة متواضعة و ولد حومة شعبية 100٪
كمل قرايتو من بعد ما خدا الباك ديالو و تاق بالكذبة فحالو فحال ڭاع المغاربة بلي غادي يلقى خدمة مي مجابش الله، دار شلى بريكولات و خدم ف سونطر دابيل مي بالنسبة للعقلية لي فبال عمر هي أنه مخلاقش باش يخدم ف سونطر دابيل و هو يقلب 6/9

عمر السهيلي أو Dizzy Dros عندو واحد الباڭاج ثقيل بالنسبة للثقافة Hip Hop بحيث تعرف على الراپ فسن صغيرة 15عام، مي البداية الصحيحة كانت عامين من بعد بحيث دوز 4سنين فالشحط قبل ميدير أول خدمة برو مع خالد الدواش ولي هي "كازافونيا" لي كان واحد الكليپ مبدل نهائيا على ڭاع الكليپات لي كانو ف2010 بحيث كليپ عندو طابع 100% أمريكي

من بعد هاد الكليپ لي خلا الپوپليك يتعرف كثر على ديزي خرجو شلا مورصوات منهوم Msa7ha fiya, Men hna, Zan9a kathdar, Omar smity
مور هادشي جاه خبار من عند Don Bigg لي صراحة قدم يد المساعة لعزي بحيث كان تقريبا كيدخل ليه باش ينظم لي كونسير لي تدارو فشلا مدن مغربية، من بعد بقى لكونطاكط بيناتهوم و اتصل بييغ ب ديزي باش يدير طراك "شكون نتا" ف ميكستپ "بياض و كحل" ولي شاركو فيه شلا رواپا

2013 شهر 11 كان واحد شهر كبير ف كاريير د ديزي بحيث خرج أول ألبوم ليه لي صراحة من أحسن الألبومات فالراپ المغربي لا من ناحية الخدمة و لا من ناحية الموسيقى، الألبوم لي سميتو 3azzy 3ando stylo فيه 21طراك ثقال بزاف من المواضيع للإيڭوتريپ، فييت مع مسلم و شايفيين و ولد الشعب

الألبوم فتح ل عمر بيبان جداد باش يمشي بعيد، بحيث تعرف الإسم فالساحة الفنية و لا كيشارك ف فيستڤلات كبار بحال البولڤار و زيد و زيد، و طبيعة الحال خونا مكيعرفش معنى الراحة فهاد الضومين و فعلا زاد فالخدمة وخلا المغرب كلو يعرف داك الوحش لي كان مخبي من شحال هادي

خدم عاوتني شلا طراكات بحال K7al rass, Chkoun, 7na Ljam و دار واحد EP لي خرج منها Gha dawi
خونا فكر باش يزيد يدخل الفلوي و يزيد فالخدمة د الپروجيات بحيث دار دي تيشرت و داكشي و تمشات القضية فشلا مدن مغربية حتى واحد نهار كان فمراكش و طلقى ب كومي، قرروا باش يديرو شي خدمة بيناتهوم نظرا للتقارب ديال الستييلات بيناتهوم و خدمو طراك "مافهمونيش" بخدمة برو صراحة من جميع النواحي، من بعد و غا بصدفة بعد ما كانو غاديين ف طوموبيل و كان مطلوق ديسك All the way up و جاتهوم فكرة يديرو ليه روميكس و فعلا خدموها و نقدرو نقولو هاد الطراك لي دار البوز ف 2016 و وصل لحد الآن ل16مليون مشاهدة

العقلية لي عند هاد خونا طبيعة الحال ميمكنش تتكيف مع هاد المحيط المغربي ههههه و جاتو فرصة يخوي البلاد و داكشي لي كيتمناه أي شاب مغرب، ديزي دابا عايش ف لندن مي منساش الراپ و خرج لينا طراك ثقيل بزاف و مخدوم خدمة نقية، الطراك سميتو Sality wla ba9i لي فيه شي نوطات د الكلاش، فمدة قصيرة استطع الكليپ يحقق 2.8مليون مشاهدة و هادشي كيبين الخدمة و الپوبليك لي عند ديزي

عمر السهيلي واحد من الشباب المغاربة لي مكيعرفوش مصطلح الحظ بحيث كيآمن بمقولة "لا خدمتي غادي توصل" و فعلا ديزي غادي فطريق صحيحة و لي نتمناو توصلو إن شاء الله للعاليمة
مي متنساوش خونا مادخلش للراپ غا صنطيحة راه عارف آش كيدير

Eminem : ملك الراب

هاد النهار كان نهار فشكال ف الراب 17 أكتوبر 1972

مارشال بروس ماذرز الثالث لي العالم تيعرفو ب Eminem ولا Slim Shady ولا B-Rabbit ولد ديترويت و دابا صاحب شركة Shady Records وأفضل مغني راب مبيعا على الإطلاق، 160 مليون، من 50 مليون ألبوم في الولايات المتحدة بوحدها، البداية ديال Eminem ف الراب كانت صعيبة بزاف نظرا لظروف لي كان عايشها، و ميمكنش دوي عليه و مدويش على حياتو قبل الشهرة، بحيث كانت المراهقة فترة صعيبة فحياتو. و هادشي خلاه يتعاطى للمخدرات بشكل كبير حتى واحد النهار كان غادي يموت و بفضل الموهبة ديالو تمكن يسالي من تعاطي مخدرات.

هاد الإسم Dr Dre فحياة Eminem عندو أهمية كبيرة فحياتو كاملة، من لخرDr Dre هو لي فتح طريق ن Eminem ف هاد اللعبة ولي الغريب فالامر هو Dr Dre ماكنش عارف بلي minem راه بيض يعني ماشي عزي، 1998 وقع مع الشركة ديال سميتها Aftermath Entertainment وف 1999 خرج أول ألبوم ديالو The Slim Shady LP و دار طراك مع Dr Dre لي هو Forgot About Dre ، ومتنساوش بلي B-Rabbit كان عندو أقود لسان ف لي باتلز ( les clashs live ) واحد النهار كانو الروابا مجموعين تيكلاشيو واحد واحد و كان Dr Dre حاضر و سمع ل Eminem و بقا مبهوط فيه داكشي خلاه يتأكد بلي هاد الدري مقود كيفما سمع عليه قبل.

كيفما عندو المعجبين عندو لي كميحملوش فحال جورج بوش لي قسح عليه فطراك سميتو Mosh وحتا منظمة تحالف الشواذ والسحاقيات كانت عندها ماشكيل معاه حيت كان تقريبا فكل طراك كيسب فيهم.

الفنان الوحيد لي عمرو لي قال ف دياسكو كلمة Nigga وداكشي لي خلاه محبوب من عند عوازا، ف 1996 أسس Eminem فرقة D-12 لي دارت وحد الضجة كبيرة نظرا ل Eminem لي كان الكابتن د الفرقة، واحد من الفرقة سميتو Proof قتلوه ف واحد كلوب ف ديترويت سنة 2006.

كان Shady معروف بالحماق ديالو لا ف كتابة لي طراك ولا ف لي كليب بحيث هاجم ملك البوب الأسطورة مايكل جاكسون و حتا الرئيس السابق كلينتون، و طبعا انتقدوه بزاف د ناس، واخا الإنتقادات المستمرة حتا حد مقدر يوقف الرغبة ديالو ف الراب.

3 يونيو 2000 يوم كحل فحياة Slim Shady هاد النهار تشد فيه بسباب واحد الحارس ديال موقف السيارات سميتو 'جون جيراير' لي كان فلحظة غرامية مع الزوجة ديال Shady و تعدى عليه حتا حضرو البوليس و شدوه.

الألبومات ديال كاملين حققو أكبر نسبة المبيعات فتاريخ الراب و عندو 13 ألبوم.
و من الأعمال السينمائية ديالو، فيلم 8Mile لي تصدر ف 8 نوفمبر 2002 و ربح جائزة الأوسكار لأفضل أغنية Lose Yourself ، الميزانية د الفيلم كانت 41 مليون دولار و الإيراداد تقدرت بأكتر من 242،875،078 مليون دولار.

سمحولينا مقدرناش نهدرو على الإنجازات كلها لي حققها مي عطينلكوم أهم ماداز فحياة هاد الأسطورة الحية

7LIWA : Moroccan Rap

إيهاب إقبال إي-كي-إي »حليوة« من مواليد 1996 بالدار البيضاء / 2 مارس ،، ترعرع بين أحضان أحياء بنجدية و بولفار 11 يناير و زنقة الحباشة (دوبريي سابقا) تما نبتو ممثلين كبار بحال المرحوم برگاش و عزيز سعد الله.. عشرانو كايقولو عليه قمة التواضع ،، خجول بعض الشيء ،، كوايري ديال بصح ،، عائلتو ميسورة الحال للإشارة أصلو من مدينة تافراوت • طفولتو دازت نورمال بحال أي طفل ،، بالنسبة للمدرسة قطع معاها من سيزيام و فهاد لاج بالضبط فكر يبدا لاكاريير ديالو ،، ولاد الدرب كا يلقبوه ب "پالاصيو" واحد اللاعب أرجنتيني دوز إيامات فالكالتشيو مع جنوى كان كا يخلي زغبة طويلة فشعرو بحالو ،، و على ذكر الكرة هو معروف عليه كايسيپورطي (الرجاء - الريال - جنوى - بي إس جي) دار كونطرا مع البلية فأيام التبرهيش غي بالضحك ،، هو حالة خاصة على الآخرين حيث كان بعيد على الراپ بعد عطارد عن المريخ تا لأواخر 2010 عاد بدا يعرف راپ مغربي خاصة ولاد كازا بحال ماگما و بروف جي كيلا... كيما الأغلبية حاجة ضرورية تسمع لرواپة مراكنة و فرنسيين بالخصوص ''Youssoufa -Joey badass - Tyler the creator - Earl swatshirt'' لي كانو كايآنسبيريوه بالجهد ،، مؤخرا ملي داز لجيهت الطراپ كاينة واحد شوية د لانسپيراسيون من يونگ طوگ و پي إن إيل • بقوة الإهتمام بثقافة الهيپ هوپ اكتاشف فجأة انه عندو موهبة تقدر تخليه يدخل للضومين من بابو الكبير و هادشي لي وقع فعلا ،، هاد الفترة ديال عامين من الإدمان ديالو على الراپ كانت نقطة تحول كبيرة فحياتو •

9 فبراير 2013 كانت الإنطلاقة ب كليب #ضحك_تقادا هاد الكليب تصور بعين السبع حدا السككيين بستيل د ستريت قليل لي باقي كايديرو ،، من خلال التعاليق فيوتوب كايبان بللي واحد النسبة كبيرة من الپيبليك ضحكا و ماتقبلوش هاد الهيت ،، للأسف معذورين حيث الأغلبية ديك لوقيتة موالفين مواضيع ديال الفقر و الحگرة و السياسة.. عند بالهوم كيخربق و واخا هاكاك دياسكو ديما فوذنيهوم ،، فظرف 2 أيام تشاف أكثر من 10 آلاف مرة و هادي نسبة مشاهدة مزيانة لواحد عاد قال بسم الله و كانت تحفيز باش يعطي أكثر • دازت 4 شهور لاح #بطل_العالم لي دار بووووووم و غادي يبقا من الكلاسيكيات فتاريخ الراب المغربي ،، بهاد الطراك نقدرو نقولو كسب جمهور على گدو و تشهر بواحد السرعة خيالية • الرواپا لي كانو محركين الموفمون هاديك لوقيتة عطاوه الريسبيكت بحكم السن ديالو و الكلام الثقيل لي كايخرج ،، كان ثاني طراك فالمغرب كايكون فيه 10 دقايق بعد "سمحلي عمي ادريس" ديال "للي"• هاد الأسلوب د الكتابة يسمى بالتعقيد الكلامي أو الدردشة الخيالية المستعصية الفهم ،، و ما ننساوش أنه كا يتميز بتقنية التلاعب بالكلمات (Word playing) ،، على غرار حليوة كاينين رواپا موفقين فهاد ستيل (نيسيو - المورفين - كاطرويت) ،، و هكذا تمكن يفرض ذاتو بشكل سريع و يكون إينيك وسط بزاف ديال ليفوطوكوپي • بعدها بشهر تقريبا دار فيتيرينگ مع سبعاتون #كل_حرف_كايعني_شحال للأسف هاد الفيتيرينگ تسوپريما حيث لانستري ديال الراپور البلجيكي «Scylla» و ماخداوش لوطوريزاصيون منو • سوو فأواخر 2013 واعد لپيبليك بأحسن كليب يقدرو يشوفوه فهاديك لوقيتة #موسيقت_الشيطان ،، شي حاجة سابقة وقتها فهاد الرقعة !! ذاك النهار تسمى بعيد الراب حيث تلاح فنفس نهار د عيد الحب !!

و مع أن التيتر ديال الكليپ كايخلع خلات بنادم يدير سينيالي واخا بنادم ما فهم المحتوى ديال العمل ،، هادي هي النتيجة ديال لپيبليك د راديو لي عزيز عليه النفاق و الصباغة • للإشارة كان أول واحد فالمغرب كا يدخل ستيل ديال "هورور كور" للمغرب بكل جرأة و شجاعة ،، هاد الستيل من سميتو نيشانمون كايمشي بالك للرعب و الموسيقى الصاخبة لي معروف بيها ،، فظرف 4 أيام فقط حقق نسبة مشاهدة كبيرة جدا +300 الف !!! • و كيما قال المرحوم عصام الجوهري فواحد الأنتيرفيو فالراديو أن اللي زوين فهادشي كامل هو أن الكليب ميريكاني و طلع من والو • بعدها دار تسخينات ب #فريستايل_فليتس تحت إشراف رضوان أهتار «Shadow» ،، هاد الأخير هو لي خدم ليه المونطاج فكليب الضحك تقادا ،، بعدها ب 5 شهور لاح #زاوا_المدينة هاد الطراك مهييب و مع ذلك ماخداش حقو حيث لخص فيلم على گدو ف 4 دقايق و لي كايحاكي فيه معاناة الطفولة لي كايدوزها أي طفل مغربي ،، بعدها غطس واحد المدة ديال عام تقريبا كانت قاصحة شوية خلات ليفان كايسولو على الميكستايب لي كانت نورمالمون غا تخرج ف 2014_05_30 لكن تعطلات بسبب القراية كيما لي خدات ليه من وقتو كثير • رجع بطل العالم للميادين بعد غياب طويل بكليب #ولد_فاطمة شي حاجة مزعزعة و حتا لپيبليك ماتسناش على والو نيفو عالي و هادي أول مرة كايلعب فوق لبيت ديال طراپ و بالنسبة ليه هو أحسن ديسك خدم لدابا • 5 شهور دازت كي 100 عام كولشي كايسول على الجديد تا لأواخر أبريل الفارط عاد تلاح كليب #نيك_دت تحت إشراف Amine Niggu ،، و لي كان غادي يسميه "ولاد الدرب" من احسن الكليبات لي دازو هاد العام فالراپ مغربي ،، هنا لاح ميساج و رفع تحدي لهادو لي كا يتعناو بالطراپ بللي هارب و شديد من ناحية (فلو - ليريكس - تيكنيك) • الپروجي الجاي فاش خدام دابا هو ميكستايب ولد فاطمة فيها 12 طراك ،، ديجا تلاحو منها 4 •

و قال بللي غادي تكون شي حاجة مع (Klass-a - l'artiste - Ljasos - The Wind - West( بالنسبة للكولابوغاصيون مع لارطيست غادي تكون خطوة إيجابية باش يتعرف فبزاف ديال الدول • هو من الرواپا العصاميين فهاد البلاد يعني عاون راسو براسو بلا لحيس بلا تا لعبة و البووز لي داير دابا ماجاش من فراغ ،، دياسكو كا يتكلمو عليه و من نهار بدا و النيفو عالي ،، و حاجة أخرى ماكايحط شي حاجة حتى تايكون مقتانع بيها 100% و هنا كانزيدو نتأكدو بصح رجع خطوات للوراء عاد باش بدا الراپ • طريقة العمل لي غادي بيها لحد الآن تمكن من أنه يحرق المراحل و يقطع أشواط طويلة فمدة قصيرة كيفاش ؟؟ يعني داكشي لي يقدر يديرو راپور ف 10 سنين باش يتشهر هو اختاصر الطريق ف سنتين فقط و هادي قليل فاش نلقاوها عند شي واحد • حاجة أخرى كايتميز بيها واحلي هي أنه فكل طراك عول على شي حاجة مبدلة تماما على داكشي لي سمعتي قبل ،، على عكس واحد النسبة كاتلقاهوم عاصرين فالأولد سكوول ولا الطراب حيث ساهل دير ستيل واحد و لكن صعيب تكون مقود فگاع ليستيل • ندوزو لإيهاب كشخص حيث كاين إيهاب و كاين حليوة ،، إيهاب هو داك الأخ المسالم و الظريف لي ماعندو عداوة مع تا شي واحد ،، على عكس حليوة لي كاتشوفو ضد كولشي و ذابح الضحكة فأغانيه ،، فواحد لانتيرفيو قال بللي داير تخصص «الأوديو فيزييل» لا لاحظتو هو لي قام بالمونطاج د نيك.دت
• من اللخر باش تكون فهاد العمر و دير هاد البووز كامل بلا لحيس بلا والو خاص تكون مريگل و فشكل •
#7liwa 

#بقلم_Serhane_Hamza

Dr Dre / دكتور دري

عاوتاني ولد من ولاد كمپتون لي عطاو نالراپ نكهة خاصة، Andre Romelle Young تزاد نهار 18 février 1965 واحد من بزاف لي مخلاو مادارو باش يوصلو مي راه من القلال لي خدموا حتى وصلوا
راپور، منتج موسيقي، ملحن، ممثل، مؤسس لابل Aftermath Entertainment و شركة Beats By Dre و قبل هادشي نشوفو كيف دازت الطفولة

الطفولة و المراهقة دازت كلها ف كومپتن
ماي كانت عندو 3سنين والديه طلقوا، و مشى دري عاش مع مو لي تزوجات من بعد، ملي دار 9سنين خونا كان كابر غا مع لقوادا د الڭينڭستر لي كانو قكل قنت فحمتوا، الأم ديالو خافت عليه و قررت ترحل لواحد الحي شوية نقي و دخلاتو يقرى مي دري كان عندو ميول كبير للموسيقى و داكشي لي خلا مو تشري ليه Platine د لي ديسك لي كانو قبل لي Cds

دري كمل فالهواية ديالو حتى دار 17عام و خدم أول خدمة فحياتو لي هي ديجي فواحد كلوپ سميتو The Eve AfterDark و كان فداك لوقيتة كيعيطو ليه Dr J لي كتعني الإسم د لاعب كرة السلة المفضل ل دري Julius Erving
من بعد طلاقا دري مع واحد من لي كانو فڭروپ NWA لي هو Dj Yella و هاد خونا كان السباب ف اختيار اللقب لي باقي لحد الآن Dr Dre لي كتعني Master of Mixology

ف 1984 دخل دري مع ڭروپ World Class Wrecking Cru و كان ڭروپ مشهور فمنطقة West Coast و خدا معاهم دري Disque de platine بحيث تباعت كثر من 50000 نسخة غا ف كومبتن

دري غادي و كيزيد فعالم الموسيقى ملي خدم هو و عشيرو Dj Yella مع راديو فكومبتون سميتو KDAY و من بعد عامين بدات الحكاية مع ڭروپ NWA لي دار الرعب فأمريكا كلها؛ 1986 ملي تعرف دري على Ice Cube لي خدموا بيناتهوم شلا طراكات قبل ما يكون ڭروپ NWA

من بعد دري تعرف على Easy-E لي كانت عندو لابل سميتها Ruthless Records و بدات حكاية واحد من أقود لي ڭروپ لي دازو فتاريخ الراپ
مع بداية عام 1991 بداو المشاكيل مع دري و إيزي و داكشي لي خلا دري يقطع علاقتو مع ڭروپ NWA

طبيعة الحال دري فكر يبدا الخدمة صولو و فعلا داكشي لي دار مباشرة بعد ما خرج من ڭروپ، و خرج اول البوم ليه لي سميتو The Chronic لي كان مع لابل Death Row Records ، الالبوم كان فيه 16طراك و دي فييت مع شلا فنانا منهوم Snoop Dogg Nate Dogg و هاد الالبوم خدا 3 ديسك د پلاتين و هادشي طبيعة الحال ماشي أي راپور يقدر يديرو
من بعد أول ألبوم فمسيرة دري بدات الحكاية فالنكاح د الجوائز فحال Billboard و Grammy Award و زيد و زيد

1996 استطع دري يدير لابل خاصة بيه و لي سميتها Aftermath Entertainment ، هاد لابل خرج منها العجب بحيث فظرف عامين خرجوا شلا ألبومات لي خداو ديسك د پلاتين و شلا فنانا خدمو مع هاد لابل منهوم Nas, LL Cool J, Jay-z, Eminem

1998 وقع دري عقد مع الاسطورة Eminem و كنضن لي فان دالراپ عارفين آش دارو هاد الجوج مي الغريب فالامر هو أن دري قبل ما يطلاقا ب إيمينيم كان كيسحب ليه راه من أمريكي من أصول إفريقية هههه و المهم ولي مخصوش يتنسا هو دري لي كان السباب فظهور إيمينيم

1999 كان عام لي خرج فيه ثاني ألبوم د دري لي سميتو 2001، هاد الألبوم تعتبر فحال عودة الأسطورة بحيث كانو فيه شلا فييت مع Devin the Dude, Hittman, Snoop Dogg, Xzibit, Nate Dogg et Eminem ، الألبوم خدا البلاصة الثانية ف Billboard 200 و خدا 6مرات ديسك پلاتين
طبيعة الحال ألخوت ميمكنش نهضروا على إنجازات هاد خونا ولا غادي نبقى نكتب 6أسابيع و منسليش هههه

دكتور دري ديسكوغرافي

3البومات، 7مشاركة فأفلام، مخرج ل4أفلام و 4EP
و هدا الخوت المعنى الحقيقي لباع الماتش

Mister You : تحفة الراب العربي

يونس لطيفي AKA Mister You واحد من أيقونات الراپ الفرنسية و لي عندو مكانة خاصة فالراپ خصوصا ف باريس لي تزاد سنة 1984 بالضبط ف Belleville لي دوز فيها طفولة شوية ماشي ساهلة!

6 د الخوت و الأب مجرد صباغ يعني مرة خدام مرة لا و الأم ربة بيت و كان علِيا ندير بزاف د البسالات باش نقدر نشري لي بغيت؛ هكدا قالها يونس فواحد الحوار و هدشي كيبين الوضعية لي كبر فيها هاد خونا
هاد خونا عندو دوسييات شوية موسخة هههه بحيث شحال من مرة وقعوا ليه مشاكيل مع الپوليس و شحال من مرة تشد

البداية فالراپ كانت تقريبا بحالها بحال ڭاع الرواپا الفرنسويين بحيث بدا غا هاوي فالأول، لي فرييستايل و الكتابة عشوائية شوية حتى استطع يشد البلاصة مع الكبار فالساحة الفنية،
خدم يونس شلا مورصوات قبل ما يوقع ليه واحد المشكيل مع البوليس لي كان صراحة ف مصلحة يونس بحيث زادت فالشهرة ديالو!
2007 كانت سنة صعيبة على يونس بحيث تحكم عليه غيابا ب 5سنين و قرر يهرب ل Bretagne جنوب فرنسا و تماك خدم 3 ميكستييپ Cocktail de rue و La rue c'est paro ولي زاد من الشهرة ديالو كتر هو Arrête YOU si tu peux لي كان فيه 15طراك منهوم Quand je croise فييت مع Lacrim و Gorsafara
من 2007 حتى ل 2009 و هو ف الكاڤال، حتى قرر يونس يرجع ل باريس و تماك شدوه البوليس و تحكم ب 3سنين

2010 تفاهم مع القاضي باش يخليه يخرج من السجن فالصباح و يرجع مع ه20 و تماك بدات الخدمة فواحد EP سميتها La cavale لي كيعاود فيها اليوميات ديالو بين السجن و استوديو و فنفس الوقت يونس كان خدام ف ميكستييپ جديد MDR : Mec De Rue لي فيه 14طراك و دي فييت مع Tunisiano-Lacrim-Rimkus...
و تدارت ليه پرومو ف Planète Rap و هاد ميكستييپ كان أحسن پروجي عند يونس بحيث تباعت منو 6800نسخة غير ف الأسبوع اللول و احتل المرتبة 9 ف طوپ ألبوم ف فرنسا و من بعد عام من ظهور الألبوم استطع يحقق Disque d'or

2011 كان عام د أول ألبوم أوفيسييل ف مسيرة يونس سميتو Dans ma grotte لي جاب ليه Disque de platine و تباعت منو كثر من 100000 نسخة و هاد الألبوم فيه 18طراك و دي فييت مع Balti-Lacrim... غير من بعد 2012 بعام واحد خرج يونس MDR : Mec De Rue 2 لي فيه 14طراك
2013 دار كليپ J'voulais لي هو طراك من الألبوم جاي لي سميتو Le Prince و لي خدم فيه يونس 15طراك

غبر يونس على الساحة لمدة تقريبا عامين مي هاد الآيام كيبان بلي راه راجع و غادي يرجع ساخط بحيث خرج جوج كليپات Artimes و Oeil Pour Oeil فعلا مقودين و باقي كليپ جديد قريب سميتو Je m'en bats les couilles
طبيعة الحال مهضرناش على شلا حوايج منهوم آش وقع بينو و بين Lacrim و Brulux لي كانو عشرانو، مي قررنا نهضرو غا على الجهة الفنية و نحاولو نوصلو واحد الفكرة لي هي "ماشي غا أجي و وصل، الكورفي و الكفاح و تمارة، و كيفما كيقولو ناس زمان؛ لي بغا العسل يصبر لقرص النحل"

Rappeur : SCH / Lacrim

مدافاكا، معروف ب  SCH سميتو الحقيقية هي                      /:        SCH 
Julien Schwarzer ولد مارسيليا و بالضبط ف Aubagne لي خرج منها الكاتب الفرنسي المعروف Marcel Pagnol
تزاد سنة 1993 ف مارسيليا مي الأصول ديالو من ألمانيا، بحيث كبر مع الأم ديالو لي كانت غارقة مشاكيل و كريديات و هادشي أثر بزاف على الطفولة و كيفما قال فواحد الحوار تدار مع MetroNews بأنه كبر فأسرة فقيرة و كلها مشاكيل و حتى الخوت هدا ما كان كعقل على هدا، و لي زاد كمل عليه هو الحي لي كبر فيه كانت فيه المخدرات و الإجرام كتر من أي حاجة

الطفولة و المراهقة لي عاشها هاد خونا فعلا خلاتو يفتح عينو على الدنيا مزيان و أهم حاجة خلاتو يتعلم يعول على راسو بأي طريقة ممكنة
"الراپ هو لي نقد ليا حياتي" هكدا قالها SCH و فعلا كا مكانش الراپ شحال من أرتيسط كان يقدر يكون بدون مستقبل، فسن 12عام بدا كيسمع لموسيقة الراپ و فسن 15 قرر يبدا حتى هو فهاد الطريق

البداية كانت جد كتواضعة، بحيث بدا غا بلي فرييستايل و كيحطهم ف يوتوب ولا سكيبلوڭ فحال لي كيديرو شلا رواپا فالبدايات ديالهم و فداك الوقيتة كان AKA ديالو Schneider ولا N19 لي هو رقم الاعب Mario Götze
أول پروجي لي هو أول ألبوم كان سميتو Les moyens du bord و كان عندو 15عام، من مور أول ألبوم بمدة قصيرة دار ميكستييپ جديد سميتو Revendiquer ma zone و كان غير كينزلهوم ف سكيبلوك لعشرانو يعني مانتش خدمة محترفة.
طراك مور طراك، فريستايل مور فريستال و الوحش لي داخل SCH مزال مخرج يبانو نيابو

الخدمة بقات غداية فواحد طريق مبهم لي المستقبل ما معروفش كيف غادي يكون و من بعد 10سنوات د الكتابة و التسجال و الخدمة حتى لواحد نهار طلاقا Lacrim ب SCH فواحد لابواط ف باريس و كانو شي صحاب د Lacrim كيعرفو SCH مزيان و عرضو عليه يشرك معاهم الڭلسة، العلاقة تطورات بيناتهوم حتى جات المفاجئة ديال فييت بيناتهوم ف Ripro V1 ف 2طراكات لي هما 6.35 و Millions
من بعد ما تدارو لي فييت ولا كيبانو مع بعضياتهم بزاف بحيث أي فرييستايل تدار إلا و كيبانو مع بعضياتهم و داكشي و لي كيبين تطور العلاقة بينتهم لي فعلا غادي يكون عندها آثار جد إيجابية
قبل مطلقا ب Lacrim استطع SCH يوقع عقد مع واحد لابل سميتها Braabus Music لي دار معها شلا كليپات منهوم La belle vie-Remix d'alonzo و Que le doigt و C'est la vie و داكشي لي فتح ليه الطريق باش يبين و يدير بلاصتو مع Lacrim لي كان ديجا خدام فشلا پروجيات

أول ألبوم أو كاين لي كعتبرو ميكستيپ سميتو A7 لي كيعني بيها النظرة ديالو للراپ أي أنه فالراپ باقي ملقاش الحدود و كتعني à 7eme ciel ، هاد الألبوم فيه 14طراك و 12طراك كولهم مخدومين صولو و فيه فييت مع Lacrim و Sadek و Lapso ، الألبوم مخدوم مع لابل لي معروفة بزاف DefJam و مع DjKore لي خدم ألبوم Corleone و حقق Disque d'or فظرف قصير

الألبوم التاني Anarchie لي خرج ف 27ماي2016 و لي تدار مع DjBellek و DjKore ، هاد الألبوم فيه 13طراك 12منهوم صولو و واحد فييت مع Sfera Ebbasta و خدا Disque Platine

تالث ألبوم فكاريير د SCH سميتو Deo Favente لي خرج ف 2017 و فيه 17طراك منهوم 5كليبات و فييت واحد مع Lacrim فطراك Ça va و الألبوم طبيعة الحال ديجا واخد Disque Platine

كيميل SCH فالكتابة ديالو لالراب القاصح أو الراب ديال الزنقة ، بحيث ديما كنوجدوه كيغني على الشراب، العنف، الموت، الأفكار المرضية، و التعذيب، و لي قليل عارفها عليه هو أنه معقد شوية من ناحية البنات، الحاجة لي باينة من المورسواة ديالو و لي مولوع بقراءة الليريكس و يفهمها غادي يعرفني علاش داوي

هاد خونا لي الإسم الحقيقي ديالو Julien ولي تزاد ف 1993... أي حقق النجاح فسن جد مبكرة و استطع يوقع عقد مع DefJam و يوصل ل Disque d'or فسن 22 سنة فعلا هادشي ميمكنش أي واحد يديرو داكشي لي كيخليه سپيسيال بين ڭاع لي أرتيسط لي عاد طالعين

mobb deep origins

هاد المرة من ' كوينز نيويورك ڭروب من أقود ماداز ف
 Old School ديال أمريكا، هاد الڭروب كان فشكال بحيث الستييل ديالهم كان Underground ديال بصح أو بطريقة أخرى كانوكعتبرو نفوسهوم Souljas فهاد الفن، المهم Havoc و Prodigy دارو هاد الڭروب مع بداية 1990 و تعرفو بزاف سنة 1995 ملي خرجو واحد الألبوم سميتو The infamous من هاد الألبوم كاين 2طراك لي دارو البوز ديال بصح : Survival of the fittest و Shook ones part II و يمن نعتبروهم من أعظم لي طراك لي دازو فتاريخ هاد الفن

الڭروب كان سميتو Poetical Prophets قبل مايولي Mobb Deep ، بحيث طلاقاو هاد الجوج فمدرسة العليا ديال الفن و التصميم و قررو يعلمو ڭروب بعد ماكان العشق الوحيد ديالهو هو الراپ و ثقافة الهيپ الهوپ، أول ألبوم Juvenile Hell 1993 تدار بالتوقيع مع Island Records و حقق أرباح كبيرة لا من الناحية المادية ولا من الناحية ديال كسب الجمهور و تم توظيف ف الألبوم طابع حاد لا ف الكوفر ولا ف لي كليب

1995 الألبوم الثاني The infamous هاد المرة تدار مع Loud Records و هاد المرة الألبوم كامانش %100 Underground و داكشي لي خلاه ياخد البلاصة 3 فطوپ ف Classements R&B Albums و البلاصة 18 ف Billboard200 الألبوم كيتعتبر من أحسن ما داز ف الراپ الأمريكي من الناحية الموسيقية و الأهم من ناحية الكتابة

1996 الألبوم الثالت Hell on Earth هاد الألبوم هو لي خلا Mobb Deep يكون ف أحسن الأيام ديالهم بحيث خداو أول بلاصة ف R&B Albums و البلاصة 6 ف Billboard200 و منطولش عليكم فهاد الألبوم كنصحكم تسمعوه من الأفضل
منقدروش نهضرو على ڭاع الألبومات حيت ديكشي كثير و تقيل بزاف راه القوادة بكل معنى الكلمة

باركا من الألبومات نشوفو بعض المشاكل لي واجهها الڭروپ بحيث مان عندهم مشكل مع .. بسباب واحد الصورة ديال Prodigy لي كان باقي صغير لابس بحال Michael Jackson ملي شافها JayZ قال عليها بصخرية كيف زعما شطاح ولا راپور هههه
من بعد بزاف ديال المشاكيل قرر Prodigy يخرج ألبوم صولو أي بوحدو بلا عشيرو Havoc الألبوم خرج ف 2000 سميتو HNIC لي كتعني Head Nigga In Charge

ف 2003 خرج ميكستايپ Free Agents: The Murda و نقدر نقولكوم بلي الخلاصة ديالو هي ( موسيقى د الزنقة خاصها تبقى ف الزنقة ) ومن هنا نقدرو ناخدو فكرة على الشخصية القوية د هاد الڭروپ
ف 2005 الڭروپ جاتو دعوة من 50Cent باش يدخلو معاه ف القافلة ديالو G-Unit وبالطبع تمت الموافقة و خرجو أول ألبوم مع G-Unit سميتو Blood Money

مؤخرا أي فالأعوام الأخيرة Mobb Deep دارو ألبوم سميتو The Infamous Mobb Deep لي فيه 17طراك و دي فييت مع SnoopDog و French Montana و Nas...

ومنساوش بلي عام 2017 كان قاصح بالنسبة للكروب بحيت مشات ركيزة من ركائز الكروب لي هو PRODIGY لي مات ف 20/06/2017 #RIP
بلا منطولو عليكم ألخوت حيت هاد الكروب ماخلا مادار فكاريير ديالو و من اللخر ماكانش كيهمهم الفلوس و العاقة حيث بباسطة Undeground و هادشي كيفكرنا فكروب لي خلا بصمة مقودة فالراب المغربي لي هو Zanka Flow

حاول ان لا تبكي و انت تقرأ هذه القصة القصيرة

قصة الطفل تيدي

كان يحدثني أحد أساتذة الجامعة عن يأسه من حالة أحد طلابه الذي صادف أني أعرفه، ووجدت وصفه السلبي له مناقضاً لما أعرفه عنه، فقلت له: أخشى أن يكون وضعه كوضع الطالب الأمريكي "تيدي ستودارد"؟ فقال لي: من هو تيدي ستودارد؟ فأخذت أقرأ عليه قصة قرأتها بالانجليزية بعنوان "المعلمة".

(حين وقفت المعلمة أمام الصف الخامس في أول يوم تستأنف فيه الدراسة، وألقت على مسامع التلاميذ جملة لطيفة تجاملهم بها، نظرت لتلاميذها وقالت لهم: إنني أحبكم جميعاً، هكذا كما يفعل جميع المعلمين والمعلمات، ولكنها كانت تستثني في نفسها تلميذاً يجلس في الصف الأمامي، يدعى تيدي ستودارد.

لقد راقبت السيدة تومسون الطفل تيدي خلال العام السابق، ولاحظت أنه لا يلعب مع بقية الأطفال، وأن ملابسه دائماً متسخة، وأنه دائماً يحتاج إلى حمام، بالإضافة إلى أنه يبدو شخصاً غير مبهج، وقد بلغ الأمر أن السيدة تومسون كانت تجد متعة في تصحيح أوراقه بقلم أحمر عريض الخط، وتضع عليها علامات x بخط عريض، وبعد ذلك تكتب عبارة "راسب" في أعلى تلك الأوراق.

وفي المدرسة التي كانت تعمل فيها السيدة تومسون، كان يطلب منها مراجعة السجلات الدراسية السابقة لكل تلميذ، فكانت تضع سجل الدرجات الخاص بتيدي في النهاية. وبينما كانت تراجع ملفه فوجئت بشيء ما!!

لقد كتب معلم تيدي في الصف الأول الابتدائي ما يلي: "تيدي طفل ذكي ويتمتع بروح مرحة. إنه يؤدي عمله بعناية واهتمام، وبطريقة منظمة، كما أنه يتمتع بدماثة الأخلاق".

وكتب عنه معلمه في الصف الثاني: "تيدي تلميذ نجيب، ومحبوب لدى زملائه في الصف، ولكنه منزعج وقلق بسبب إصابة والدته بمرض عضال، مما جعل الحياة في المنزل تسودها المعاناة والمشقة والتعب.

أما معله في الصف الثالث فقد كتب عنه: "لقد كان لوفاة أمه وقع صعب عليه. لقد حاول الاجتهاد، وبذل أقصى ما يملك من جهود، ولكن والده لم يكن مهتماً، وإن الحياة في منزله سرعان ما ستؤثر عليه إن لم تتخذ بعض الإجراءات".

بينما كتب عنه معلمه في الصف الرابع: "تيدي تلميذ منطو على نفسه، ولا يبدي الكثير من الرغبة في الدراسة، وليس لديه الكثير من الأصدقاء، وفي بعض الأحيان ينام أثناء الدرس".

وهنا أدركت السيدة تومسون المشكلة، فشعرت بالخجل والاستحياء من نفسها على ما بدر منها، وقد تأزم موقفها إلى الأسوأ عندما أحضر لها تلاميذها هدايا عيد الميلاد ملفوفة في أشرطة جميلة وورق براق، ما عدا تيدي. فقد كانت الهدية التي تقدم بها لها في ذلك اليوم ملفوفة بسماجة وعدم انتظام، في ورق داكن اللون، مأخوذ من كيس من الأكياس التي توضع فيها الأغراض من بقالة، وقد تألمت السيدة تومسون وهي تفتح هدية تيدي، وانفجر بعض التلاميذ بالضحك عندما وجدت فيها عقداً مؤلفاً من ماسات مزيفة ناقصة الأحجار، وقارورة عطر ليس فيها إلا الربع فقط. ولكن سرعان ما كف أولئك التلاميذ عن الضحك عندما عبَّرت السيدة تومسون عن إعجابها الشديد بجمال ذلك العقد ثم لبسته على عنقها ووضعت قطرات من العطر على معصمها. ولم يذهب تيدي بعد الدراسة إلى منزله في ذلك اليوم. بل انتظر قليلاً من الوقت ليقابل السيدة تومسون ويقول لها: إن رائحتك اليوم مثل رائحة والدتي!!

وعندما غادر التلاميذ المدرسة، انفجرت السيدة تومسون في البكاء لمدة ساعة على الأقل، لأن تيدي أحضر لها زجاجة العطر التي كانت والدته تستعملها، ووجد في معلمته رائحة أمه الراحلة!، ومنذ ذلك اليوم توقفت عن تدريس القراءة، والكتابة، والحساب، وبدأت بتدريس الأطفال المواد كافة "معلمة فصل"، وقد أولت السيدة تومسون اهتماماً خاصاً لتيدي، وحينما بدأت التركيز عليه بدأ عقله يستعيد نشاطه، وكلما شجعته كانت استجابته أسرع، وبنهاية السنة الدراسية، أصبح تيدي من أكثر التلاميذ تميزاً في الفصل، وأبرزهم ذكاء، وأصبح أحد التلايمذ المدللين عندها.

وبعد مضي عام وجدت السيدة تومسون مذكرة عند بابها للتلميذ تيدي، يقول لها فيها: "إنها أفضل معلمة قابلها في حياته".

مضت ست سنوات دون أن تتلقى أي مذكرة أخرى منه. ثم بعد ذلك كتب لها أنه أكمل المرحلة الثانوية، وأحرز المرتبة الثالثة في فصله، وأنها حتى الآن مازالت تحتل مكانة أفضل معلمة قابلها طيلة حياته.

وبعد انقضاء أربع سنوات على ذلك، تلقت خطاباً آخر منه يقول لها فيه: "إن الأشياء أصبحت صعبة، وإنه مقيم في الكلية لا يبرحها، وإنه سوف يتخرج قريباً من الجامعة بدرجة الشرف الأولى، وأكد لها كذلك في هذه الرسالة أنها أفضل وأحب معلمة عنده حتى الآن".

وبعد أربع سنوات أخرى، تلقت خطاباً آخر منه، وفي هذه المرة أوضح لها أنه بعد أن حصل على درجة البكالوريوس، قرر أن يتقدم قليلاً في الدراسة، وأكد لها مرة أخرى أنها أفضل وأحب معلمة قابلته طوال حياته، ولكن هذه المرة كان اسمه طويلاً بعض الشيء، دكتور ثيودور إف. ستودارد!!

لم تتوقف القصة عند هذا الحد، لقد جاءها خطاب آخر منه في ذلك الربيع، يقول فيه: "إنه قابل فتاة، وأنه سوف يتزوجها، وكما سبق أن أخبرها بأن والده قد توفي قبل عامين، وطلب منها أن تأتي لتجلس مكان والدته في حفل زواجه، وقد وافقت السيدة تومسون على ذلك"، والعجيب في الأمر أنها كانت ترتدي العقد نفسه الذي أهداه لها في عيد الميلاد منذ سنوات طويلة مضت، والذي كانت إحدى أحجاره ناقصة، والأكثر من ذلك أنه تأكد من تعطّرها بالعطر نفسه الذي ذَكّرهُ بأمه في آخر عيد ميلاد!!

واحتضن كل منهما الآخر، وهمس (دكتور ستودارد) في أذن السيدة تومسون قائلاً لها، أشكرك على ثقتك فيّ، وأشكرك أجزل الشكر على أن جعلتيني أشعر بأنني مهم، وأنني يمكن أن أكون مبرزاً ومتميزاً.

فردت عليه السيدة تومسون والدموع تملأ عينيها: أنت مخطئ، لقد كنت أنت من علمني كيف أكون معلمة مبرزة ومتميزة، لم أكن أعرف كيف أعلِّم، حتى قابلتك.

(وللعلم تيدي ستودارد هو الطبيب الشهير الذي لديه جناح باسم مركز "ستودارد" لعلاج السرطان في مستشفى ميثوددست في ديس مونتيس ولاية أيوا بالولايات المتحدة الأمريكية، ويعد من أفضل مراكز العلاج ليس في الولاية نفسها وإنما على مستوى الولايات المتحدة الأمريكية) انتهت القصة.